Image:Sornette de Betté Roué Augustus Asplet Le Gros.ogg

[edit] Summary

Poem La Sornette de Betté Roué in Jèrriais by Augustus Asplet Le Gros (14 April 1840-3 December 1877), read by User:Man vyi (who hereby releases all rights in the performance to the public domain)

• Jèrriais: Né v'chîn la poésie "La Sornette de Betté Roué" d' A.A.L.G. (Augustus Asplet Le Gros), publiée en Jèrri dans l'Almonnas d'la gâzette La Nouvelle Chronique de Jersey pouor 1869 et liue en Jèrriais par Man vyi (tchi baille par ches présents touos les drouaits dans la liéthie au publyi en génétha)

[edit] La Sornette de Betté Roué

(original spelling)

Ah! quand nou-s-a la nonantaine,

Nou n'est pon coum à dgèz-sept ans:

Dans men jane temps j'allais quédaine,

Mais j'm'en vais achteu hantchinant.

Un rein devrai, l'creirious, m'bouleverse,

Et j'ai d'la peine à gabaré,

Car j'en ai ieü bein des traverses

Et j'ai ieü pus d'un au-m'sespé.

Ch'est étonnant que je n'seis morte

Oprès tout chein qu'j'ai enduraï:

Ah! j'en ai veü de bein des sortes,

Pus qu'je n'pouorais vos dire aniet;

Tout d'même i y-a ieü bein des choses

Qui m'ont donnaï jouée et pliaisi,

Car dans la vie il y-a des roses,

Et d'temps en temps le soleil lit.

Je m'ersouveins quand j'étais jane;

Que j'allion tchique feis au lanchon;

Et j'aimais bein ma bordaie de fane!

De trop sérieux je n'les aime pon.

Il y-en a qu'ont une si longue fache,

I semblle qu'chest des condamnaïs

Qui véeent déjà sus lieux la hache

Ov qui i s'ront guillotinaïs.

Je peux bein rire ovec les autres,

Y-a-t-i du ma d'aver du gi?

Et pour êt'e bouons coum des apôtres,

Faut-i cachi même un souori?

La vraie r'ligion, a dit St. Jacques,

Est d'suotnin veuve et orphelin,

Et dans la vie s'garder sans taque,

Et d'pardonner à sen ennemin.

Car il y-en a qui n'peuvent pon rire,

Des gens qui s'créent, helàs, sans d'fauts,

Tchi n'manquent vraiment pon de dire

Du mâ des gens drière lus dos;

Si n'en savent pon ils en inventent,

Quand ieux-mêmes i devraient s'laver;

Est-che que les cheins qui ainsi mentent

Créent pouver par là prospérer?

Coum j'vos ai dit quand j'étais jane,

Pour ervenin à nos moutons,

J'aimais aitout ma bordaïe d'fane,

Couorant souvent par vaux, par monts;

Quand i fallait aller en ville

Je montais sus not' vielle juments,

Car dans mon temps garçons et filles

Ainchin à ch'va allaient bravement.

Trottin-trottant, bouonne criature,

La femme allait drière sen houm;

Nou n'allait jamais en voéture,

Et nous s'griait de charme tout-coum:

De St.-Helié à la Vallaïe

La grève était le seul quemin,

Nous arrêtait pour la maraïe,

Quand nou cherchait à s'en r'venin.

Quand nou montait sus sa kédolle,

De ches patouolles nou n'avait pon,

Les houms allaient dans lus k'minsolle

Les femmes en bedgaine de molton;

Un couossi tenait à la selle

Sus qui la femme s'assiévait d'sus,

I n'y-avait pont d'autre ativelle,

Et pouvait nou êt'e jamais mus?

Le Lundi d'Pâques i y-avait fête,

Nous allait tous au vier Châté,

Et ch'estque nous trottait sus sa bête,

Nou galopait et galvaudait.

Quand i y-avait grand compagnie,

Ch'est là qu'il y-avait du pliaisi;

Et l'chein qu'était oprès d'sa mie,

Faut-i d'mander s'il était fii!

Le jour de Saint-Jean y-avait fère,

I's rôtissait un boeü entchi;

J'y-alli une feis avec man père,

Et d'pus d'une sorte là je vi;

Au sei aitout y-avait sounenie

Ouest qu'nou chantait et nou dansait:

A chu Saint-Jean, mon doue d'la vie,

Qui lopin d'monde que nous viyait!

Mais, hélas! qu'est-qu'chest don qu'la vie?

Mes biaux jours ach'teu ne sont pus,

Et mé je s'rai bétôt finie,

Car le passaï ne r'veint à nus.

Cheinqu'nou voudra qu'ichin nou faïche,

Qu'nou-s-aie bouonne chance ou bein aheurt,

D'autres bétôt prendront vot' plièche:

Nou nait, nou vit, et pis nou meurt.

Nou peut bein rire quand i faut rire,

Et quand i faut lermer plieurer,

P'tit badinage et faire et dire,

Et quand nou-s-est joyeux chanter:

Car il y-a un temps pour toute chose,

Ainchin que l'a dit Salomon;

Et s'nou-s-est sérieux pour une pose,

Une aut' feis iéra rêvillon.

Ous diraiz p't-ête bein que je c'menche

A ne saver pon tout chein que j'di;

Ou bein ous m'creraïz en éfanche,

Que viscaziaï est men esprit:

Mais en vos contant mes sornettes,

J'ai quique feis dit la véritaï

Es jeunes aviers, es jeunes fillettes,

Et j'espère qu'ils ont profitaï.

Ous m'pardonneraïz, lecteur, j'espère;

Et si par chance ous êtes mârri,

Ch'est qu'le bonnet peut bein vos faire,

Et ch'est pour vous qu'il est chouési;

Mais s'ous êtes coum je vos cré sage,

Ous en riraïz aitout ov mé,

Car il en affole à toute âge,

Aussi vrai qu'jai nom BETTÉ ROUÉ.

I, the copyright holder of this work, hereby release it into the public domain. This applies worldwide. In case this is not legally possible: I grant anyone the right to use this work for any purpose, without any conditions, unless such conditions are required by law. Afrikaans | Alemannisch | Aragonés | العربية | Asturianu | Български | Català | Česky | Cymraeg | Dansk | Deutsch | Eʋegbe | Ελληνικά | English | Español | Esperanto | Euskara | Estremeñu | فارسی | Français | Galego | 한국어 | हिन्दी | Hrvatski | Ido | Bahasa Indonesia | Íslenska | Italiano | עברית | Kurdî / كوردی | Latina | Lietuvių | Latviešu | Magyar | Македонски | Bahasa Melayu | Nederlands | ‪Norsk (bokmål)‬ | ‪Norsk (nynorsk)‬ | 日本語 | Polski | Português | Ripoarisch | Română | Русский | Shqip | Slovenčina | Slovenščina | Српски / Srpski | Svenska | ไทย | Tagalog | Türkçe | Українська | Tiếng Việt | Walon | ‪中文(简体)‬ | ‪中文(繁體)‬ | zh-yue-hant | +/-

[edit] Licensing

This image (or other media file) is in the public domain because its copyright has expired. This applies to the United States, Canada, the European Union and those countries with a copyright term of life of the author plus 70 years. Note that a few countries have copyright terms longer than 70 years: Mexico has 100 years, Colombia has 80 years, and Guatemala and Samoa have 75 years. This image may not be in the public domain in these countries, which moreover do not implement the rule of the shorter term. Côte d'Ivoire has a general copyright term of 99 years and Honduras has 75 years, but they do implement that rule of the shorter term. العربية | Asturianu | Български | Català | Česky | Dansk | Deutsch | English | Ελληνικά | Esperanto | Español | Euskara | فارسی | Français | Gaeilge | Galego | עברית | हिन्दी | Bahasa Indonesia | Italiano | 日本語 | 한국어 | Kurdî / كوردی | Lietuvių | Magyar | Nederlands | ‪Norsk (nynorsk)‬ | Македонски | Bahasa Melayu | Polski | Português | Română | Русский | Slovenčina | Slovenščina | Shqip | Suomi | Sámegiella | Türkçe | ‪中文(简体)‬ | ‪中文(繁體)‬ | 粵語 | +/-

La page ci-dessous contient cette image :

• Augustus Asplet Le Gros